1) A Ghjurnata di a Castagna, in Evisa (La Fête du Marron): fin' di nuvembre | ||
2) A Festa di u Brocciu, in Piana: fin' d'aprile | ||
3) A Tumbera, à Rennu: prima dumenica di farraghju | ||
4) A Sarroccu, à vicin'à Rennu: u 16, u 17 è u 18 d'aostu | ||
5) A Santa di Niolu, in Casamacciuli: u 7, l' 8 è u 9 di sittembre | ||
6) A Festa di u Mele, in Murzu: di sittembre |
A Ghjurnata di a Castagna, in Evisa
In lu 2007 ci hè stata a 16ima Ghjurnata di a Castagna in Evisa. Si pruduce ogni annu di regula l'ultima duminicata di nuvembre. Ci hè da 1000 à 6000 parsone chì ci vanu sicondu u tempu ch'ellu face. Parechje barracche o stand sò stallati long'à u campu di a fiera, situatu in cor'à u paese d'Evisa.
Une belle poche d'attività sò dinò pruposte da i zitelli (corse diverse, spassiata cù u sumere, cuncorsu di cugliera di castagne, ...) è si pò ancu buscà assai infurmazione in quant'à u castagnu.
Si tratta di prumove a castagna in ginerale, è più particularmente quella di u rughjone (ch'hà ottinutu l'AOC "marron d'Evisa" di pocu), ci hè à dì e castagne prudutte in le cummune di Marignana, Cristinacce è Evisa.
E cunfraterne di u rughjone sò sempre prisente, participeghjanu à e manifistazione è prucedenu à l'intrunizazione di membri novi.
Si face sempre più u ligame cù altri rughjoni di l'Auropa, è uni pochi venenu à prisintà i so prudutti.
Eccu une poche di futtò di l'edizione di u 2007 :
Evisa; in lu centru s'avvede u campu di a fiera |
u campu di a fiera |
intrunizazione di membri novi |
assai ghjente era prisente par l'edizione di u 2007 |
parechje attività sò pruposte |
i pruduttori d'altri rughjoni auropei prisentanu e so attività |
||
A Santa di Niolu, in Casamacciuli
Forse forse a fiera a più cunnisciuta è a più praticata di Corsica, a Santa di Niolu era à u principiu una festa sputica riligiosa. Ma hè ancu divintata una fiera cummirciale da u 1835, è ci si trova oramai di tuttu : prudutti tipichi corsi (roba purcina, casgi,...), prudutti di l'artisgiani, ghjochi è attrazzione (oramai scantati à l'intrata di u campu di a fiera) à via di i più giovani è di sicuru e so famose barracche, ind'elli si ponu sempre sente in lu 2007 i chjam'è rispondi è l'impruvisazione.
L'ottu di sittembre ci hè a messa cilibrata da u vescu in la ghjesgia di Casamacciuli (prununcia: casama-cciuli) è dopu a Granitula (prununcia : grani-tula): s'avvutuleghja a prucissione fin'à chì a statula di a Vergine Maria sia da mez'à a piazza , è dopu si sbutuleghja. I pilligrini, o più largamente tutti quelli chì vanu à a Santa, sò chjamati i Santaghjoli.
eccu un' impruvisazione di Pampasgiolu, di Lozzi in Niolu, unu di i puitadori i più rinumati è attalintati di Corsica : |
||
Iste futtò sò state pigliate à a Santa di u 2007:
u campu di a fiera |
durante a Granitula |
cumencianu à abbutulassi |
sempre durante a Granitula |
discorsu fattu fora, in piazza à a ghjesgia, da tanta a ghjente |
u campanile di a ghjesgia di Casamacciuli |
||
piccula video di a Granitula di u 2007 |
||