Carte
© IGN PARIS 2007
11) u Capu à a Rughja : da a Bocca à Verghju à u Capu à a Rughja
| Partanza : | da a Bocca à Verghju, 1478 m |
| Distanza : | circa 2,7 km (andà) |
| Slivellu : | 356 m (andà) + 122 m (vultà) |
| durata : | 1 - 1,5 ora (andà) |
| Difficultà d'orientazione : | alcuna fin'à u Capu di Verghju, à vista ma faciule dopu |
| Difficultà fisica : | abbastanza difficiule |
| Rimarche : | u slivellu hè piuttostu pocu, ma a pendita hè forte. Da fà da mane pà e viste versi Portu, è da sera pà e viste versi Niolu |
|
Carte |
© IGN PARIS 2007 |
|
|
|
|
Si parte da a Bocca à Verghju, 1478 metri d'altitudine. Si piglia a pista chì colla ver' di u pilonu è a stazione di u schì. S'ellu si parte da sera, bella vista versu Niolu...
... è dinò a Paglia Orba è u Capu Tafunatu.
Da u Capu di Verghju (1598 m), ci vole à falà à vista fin'à a Bocca à a Manuella (1452 m) è dopu cullà torna ver'di u Capu à a Rughja (1712 m). Da nutà a Bocca San Petru dopu u Capu à a Rughja, è dinò a Punta Artica (2329 m) à manca annant'à a futtò :
Ci hè un picculu boscu à a Bocca à a Manuella, è una traccia da mez'à l'arburi. Dopu si trova un pitricaghju :
Accorre à francà issu pitricaghju passendu pà a dritta (da a banda d'Aitone) è à fà prò di e viste versu Niolu.
A cullata pare sempre più arritta, è s'avvedenu custruzzione strane chì parenu difinsive.
In irrialità, si tratta di muri ch'ascudianu cannoni durante a verra (à ringrazià à Antoine par isse infurmazione).
Un'ultima cullata, sempre ritta, è una fidiata ver'd'Aitone...
... è si ghjunghje in cima, marcata cù 3 cairn.
Eccu a vista versu Niolu da quassù :
