9) a Bocca à a Cuccavara : da dopu u Paisolu à a Bocca à a Cuccavara
Partanza : | da dopu u Paisolu d'Aitone, una pista chì fala, 1160 m |
Distanza : | circa 6 km (andà) |
Slivellu : | 436 m (andà) + 121 m (vultà) |
durata : | 1,5 - 2,5 ore (andà) |
Difficultà d'orientazione : | alcuna fin'à a Bocca à u Saltu. Da ùn mancà micca l'andatu in la girata |
Difficultà fisica : | mudarata sì partanza da mane (grazia à l'ombra assai prisente) |
Rimarche : | a cullata si face in duie parte : 271 m fin'à u Saltu (a più difficiule) + 175 m fin'à a Cuccavara (niglingintevule, pendite dolce) |
Carta |
||
A partanza si face da a pista chì fala dopu u Paisolu d'Aitone.
À u capu d'un quartu d'ora di falata dolce, si passa u Ponte à Pompeani è si varca u fiume Aitone.
Dopu a pista colla di manera rigulare.
Cullendu s'avvede sempre megliu à Marignana.
Ind' 1 ora si ghjunghje à a Bocca à u Saltu, à 1391 metri d'altitudine.
Ci vole à cuntinuà annant'à a pista fin'à una girata maiò, ind'ellu ci hè stu scrittoghju :
Tandu si piglia a strada par arruchjà a furesta di Lindinosa, cù ogni tantu viste versu i capi d'Ortu è di u Vitullu.
45 minuti bastanu da ghjunghje à a Bocca à a Cuccavara, à 1475 metri d'altritudine.
Si pò omu coglie un iscolgliu à circa 100 metri à manca di a bocca, da avè stu panurama quì (360 gradi) :